Abentura berri honetan betiko aurkezpena mantentzea erabaki dut aspaldi irakurri gabe egon eta berriz heltzean, sekula baino gaurkotasun gehiago duela iruditu baitzait. Hemen duzue bere garaian Friedak eskaini zion aurkezpen kantuarekin batera:

Blog honek ez du beste munduko pretensiorik. Beno, ondo pasatzea pretensiotzat jotzen ez badugu behintzat. The Indezents honetan, blogak atzean duen artaburuaren burutazio, istorio, iritzi eta harrikarak izango dituzue irakurgai, entzungai eta ikusgai. Batzuk korrika egitera irtetzen dira, beste batzuk marraztu egiten dute. Nik, istorioak asmatu eta kontatzean sentitzen dut plazer hori. Ongi etorri!